Related Articles
کوئی ایسا جادو ٹونہ کر
میرے عشق میں وہ دیوانہ ہو
یوں اُلٹ پُلٹ کر گردش کی
میں شمع وہ پروانہ ہو
زرہ دیکھ تو چال ستاروں کی
کوئی زائچہ کھینچ قلندر سا
کوئی ایسا جنتر منتر پڑھ
جو کر دے بخت سکندر سا
کوئی چلہ ایسا کاٹ کہ پھر
کوئی اُس کی کاٹ نہ کر پائے
کوئی ایسا دے تعویز مجھے
وو مجھ پر عاشق ہو جائے
کوئی فال نکال کرشمہ گر
میری راہ میں پُھول گلاب آئیں
کوئی پانی پھونک کے دے ایسا
وہ پیئے تو میرے خواب آئیں
کوئی ایسا کالا جادو کر
جو جگ مگ کر میرے دن
وہ کہے مبارکؔ جلدی آ
اب جیا نہ جائے تیرے بن
کوئی ایسی راہ پہ دال مجھے
جس راہ سے وہ دلدار ملے
کوئی تسبیح دم درود بتا
جسے پڑھوں تو میرا یار ملے
کوئی قابو کر بے قابو جن
کوئی سانپ نکال پٹاری سے
کوئی دھاگا کھینچ پراندے کا
کوئی منکا اچھا دھاری سے
کوئی ایسا بول سکھا دینا
وہ سمجھے خوش گفتار ہوں میں
کوئی ایسا امل کروا مجھ سے
وہ جانے جان نثار ہوں میں
کوئی ڈھوند کہ وہ کستوری لا
اُسے لگے میں چاند کے جیسا ہوں
جو مرضی میرے یار کی ہو
اُسے لگے میں بلکل ویسا ہوں
کوئی ایسا اصمِ عاظم پڑھ
جو اشک بہا دے سجدوں میں
اور جیسا تیرا داوا ہے
محبوب ہو میرے قدموں میں
پر عامل رک اک بات کہوں
یہ قدموں والی بات ہے کیا
محبو ب تو ہے سر آنکھوں پر
مجھ پتھرکی اوقات ہے کیا
اور عامل سُن یہ کام بدل
یہ کام بہت نقصان کا ہے
سب دھاگے اُس کے ہاتھ میں ہیں
جو مالک قل جہان کا ہے
